الرخص للعمارا فى العادة بتمنح كالأتى ( جراج و بدروم و ارضى و 4 ادوار - او اى عدد متكرر- ) و الرخصة مفروض انها عقد و فيه رسم هندسى بيقدم . محدش لا بيلتزم بالرخصة و لا بالرسم الهندسى و اخره يدفع غرامة اذا حد نزل دور وراه .

و الرخصة فيها بند الارتفاع من سطح الارض . بحساب الدور 3 متر . فمثلاً لما تشترى مفروض ارتفاع العمارة 12 متر بس لو اشتريت فى الرابع و اللى بنى العمارة سرق دور من تحت و عمل دوبلكس مثلاً و رغم ان الرخصة طالعة ب 4 متكرر الرابع بيبقى برة الترخيص. فالاحسن تشترى فى التانى او التالت .

و فيه اصحاب عمارات مستغلين ممكن ميعملش عداد مياه للعمارة او الاشتراطات الصحية فى المناور و بعد ما تسكن تلاقى شركة المياه جايبة على العمارة 500 الف جنيه غرامة . النصب و التهليب و قلة الذمة كتير فى موضوع المبانى و الدولة ممثلة فى المحليات مكانتش بتراقب ده وقت الرقابة الصح