ندى

صغيرتي الجميلة

طفلتي التي أتمت الأربع سنوات في الحرب

ندى الندية ذات الشعر الكيرلي الجميل

الدكتورة ندى كما يناديها الجميع، كانت عقلا فذا،

طفلة ذكية نبيهة، تبهر الجميع بذكائها وطلاقة لسانها،

حبيبتي كانت تنتظر فرح عمها وتجهز له بكل حماس، اشتريت لها فستانا أبيض، https://t.co/VNFWGhES0t

كانت تنتظر هذا اليوم، "يا ماما خلص عمو عبد الله تزوج في الحرب متى حلبس الفستان؟ حكتلها والله يا ماما حخليكي تلبسيه في البيت وفي كل مشوار ولا تزعلي".

كانت مشتاقة لبيتنا كتير وببراءة الأطفال بتفكر إنه مافي أكل منيح وألعاب لإنه احنا مش ببيتنا.

"بس نروح ع بيتنا يا ماما بدي آكل كل الأكل الزاكي"?

رفيقتي وصديقتي هذه الصغيرة، كانت تحدثني وتسأل وتجيب وتسرد لي القصص والحكايا كأنني أتحدث مع فتاة عشرينية.

تحدثني عن الجنة كأنها تراها، كان إبراهيم يحدثهم عن الجنة والشهادة دائما.

تحدثني ماذا ستأكل وتشرب في الجنة،

وتسألني" صح يا ماما إنه الجنة مافيها نوم؟ الحمدلله إنه مافيها نوم".

يا الله يا ندى شو مشتاقة أسمع ماما منك شو مشتاقة أسمع صوتك وقصصك يا حبيبتي.

كانت ندى ملاصقة لي منذ ولادتها لا تفارقني، تشعر بي كأنها أنا.

كنت دائما أقول "إحساس ندى عالي كتير أحيانا بخاف منهابتحكي شغلات كتير بتصير

ندى خبرتنا بالحرب قبل بسنة، وحكتلنا دار سيدو حيقصفوها اليهود وبرج الإرسال حيوقع يا ماما"

صحيت يوم استشهاد أحمد حكتلي "صباح الخير يا ماما، خالو أحمد استشهد".

قبل استشهادها بشهر كانت لا تفارقني أبدا، ودائما تقول لي "بحلم إني بعيط عليكي يا ماما"

كنت خائفة جدا توقعت أنني من ستفارقهم،