في السودان عندنا مصطلحين للبيتزا:

1- بيتزا المحلات.

2- بيتزا البيت.

أغلبنا بقول بيتزا المحلات أفضل من بتاعة البيت،بس برضو أغلبنا ما عارف الفرق.

الفرق في العجنة و الكمية المستخدمة.

بيتزا المحل بتكون خفيفة NY Pizza

بيتزا البيت بتكون سميكة و فيها كمية عجين أكتر Sicilian Pizza https://t.co/lqO2rZK1AF https://t.co/8ouw05293n

ح أتكلم عن New York Pizza :

اغلبنا عارفين مكونات عجينة البيتزا، بس ما كلنا بنطلعها بي نفس النتيجة.

الاختلاف بيكون في ترتيب اضافة المقادير و الطريقة بتاعة الخلط و الزمن.

ح أحاول أشرح الخطوات بصورة مطولة عشان الناس تفهم كل خطوة سببها شنو، و ليه الترتيب دا بالذات.

المقادير:

1 كوب ماء دافئ (عادي، لا سخن لا بارد يعني من الماسورة).

3 اكواب دقيق (عادي برضو).

1 ظرف خميرة (ظروف التخزين مهمة شديد).

1 ملعقة كبيرة سكر

1 ملعقة كبيرة ملح

3 ملاعق كبيرة لبن بدرة (اختياري)

ربع كوب زيت (نباتي عادي)

الفكرة الأساسية في البيتزا اننا نقدر نخلي أكبر كمية من الهواء داخل العجينة، عشان تكون خفيفة، و تدينا نكهة ممتازة.

الطريقة بتاخد زمن طويل، و ما بتستحمل أي استعجال.

الترتيب ال ح اكتبه للخطوات دا، محسوب و عنده فهم.

ممكن تختصر زمن خطوة بس نهااااااائي ما تدخل خطوة مكان التانية.

???????

الثريد ح يتلكم بس عن العجنة و تحضيرها.

و ما ح يتطرق لل topping بتاع البيتزا