استيقظت اليوم على صوت منبه هاتفي ، تذكرت اني نويت بالأمس تطبيق " عادة ماوي ، وهذا مافعلته لأبدأ يومي" ..

عادة ماوي

{ بعد أن أستيقظ وأضع قدمي على الأرض

سوف أقول:- سيكون يوماً رائعاً .

وحتى تحفظ العادة في عقلي ( سأبتسم فوراً ) }

قرأت هذي العادة من كتاب " عادات بسيطه "

هذي العادة مفيده وتبرمج عقلك على ملاحظة كل شيء رائع في يومك ، مثلاً اليوم تملكتني طاقة ابتسامة عجيبة وكل من اقابله يبتسم لي بنفس الطريقه ، ممتنه ليومي بدأ بامتياز ، فطور صحي وبعد التمرين قهوه وشوكلاته سوداء كنت اوقف ثواني اتأمل النعمه

اشكر ربي على عطاياه ، واقرأ اسم الله على أكلي وشربي .. قلت للبنت اللطيفه اللي حضرت لي القهوه " شكراً والله ماقصرتي " .. ابتسامتها الكبيره كانت اجمل رد ، جلست احس بالهدوء والاسترخاء كلما حسيت كتفي مشدود أذكّر نفسي بالتنفس واسترخي

كان فيه أمر عجيب ، جالسة حالي حال نفسي في هدوء تام وماأفكر بشيء الا سمعت بغير قصد الاستماع طبعاً البنات اللي جنبي يتكلمون ، كان فيه وحده تتكلم كلام جميل ! ومن كثر ماحسيت ان وجودي جنبها مقصود حتى اسمع هذي الرسالة منها عدلت جلستي ! ، العجيب ان قصتها الى حد ما تشابه قصتي

اللي خلاني انتبه كلمة قالتها ..

تعرفون لما تكونون سرحانين ومو منتبهين تسمعون اصوات بس ماتسمعون كلمات !

قالت بنبره متفائلة " الحياة حلووووه ماتوقف على أحد "

فكرت ايش اللي خلاني انتبه وأسمع !

كلمة الحياة حلوة كثير ارددها ، حسيت ان عقلي لما سمعها انتبه لأنها مألوفه جداً