قصتي مع COVID-19:

عملت فحص الخميس الماضي ب حرش بيروت بحملة تابعة لبلدية بيروت. الاحد الصبح بتدقلي صبية من وزارة الصحة بتبشرني انو فحصي طلع positive و لازم اعطيها اسماء و ارقام. قلتلا بالعربي المشبرح فحص الوزارة ما بصدقو و عملتو هيك كنت مارق و ما عندي عوارض و اني رح عيدو

بمختبر خاص ع الصحة السلامة و من باب التطمين. رحت بنفس النهار عملت فحص تاني بمختبر بالضاحية اسمو الهادي و حجزت بفندق حجرت حالي ع بال ما تطلع النتيجة. الاثنين الصبح بيدقولي من بلدية حارة حريك كمان بدا تفاصيل عن المخالطين و كمان عدتلا انو بس تطلع نتيجة المختبر الخاص بدقلها و بعطيها

شو بدا معلومات عن المخالطين. الاثنين الظهر بتطلع نتيجة فحصي من مختبر الهادي و يا للمفاجأة طلعت negative. دقيت للبلدية و هالمرة انا بشرتها اني COVID-19 free.. بتقلي الحمد الله ع السلامة و ايه بتصير فحص تطلع نتيجتو غلط. خلصت مع الدولة هون بالحمد الله ع السلامة من بعد ليلة الله لا

يفرجيكن كيف عشتها انا و اهلي و قرايبيني و زملائي بالشغل لي احتكيت فيهن الاسبوع لي مضى. بعد ظهر الاثنين بيجيبي اتصال واتساب من شخص بيعرف عن حالو انو دكتور بال UNRWA و عم يتابعلي حالتي اني فلسطيني الجنسية و مصاب بالكورونا. جوابي كان يعني الدولة اللبنانية عم تقرط ع اسمي من

منظمة الصحة العالمية و من ال UNRWA كمان. علماً اني لبناني الجنسية و اصلاً ما انسألت عن جنسيتي وقت عملت الفحص الخميس الماضي. بيصير الدكتور يضحك و بيقلي والله الله اعلم.. قلتلو لا انا و ياك عارفين البير و غطاه. حاصلو ..