ثرد عن العنايه بالشعر و مشاكل الشعر و التساقط من تجربتي و بحوثي لمدة سنه ??♀️ و معلوماتي و اذا عدكم اضافة كولوها
اول شي اذا صحتكم زينه و نفسيتكم زينه ايضاً و مدتمرون بسترس او حاله نفسيه صعبه او امتحانات و انتوا مو سوادس
و ع فجاه out of nowhere بده شعركم يتساقط و خسرتوا نص كثافه شعركم او اكثر ف الافضل تراجعون طبيب جلديه معروف بخبرته باسرع وقت ممكن ..
الشعر يتساقط بمعدل طبيعي 50-100 شعره يومياً
و يمر بمراحل هي
1- Anagen 2-Catagen 3- telogen
التيلوجين هي الفتره الي يتساقط بيها الشعر و يطلع بداله شعر جديد
ف اذا شعركم يتساقط بهل معدل فكلش طبيعي و لتقلقون ابداً?
بدايةً الشعر اكثر شي يتاثر بسرعه بالجسم ... من نفسيه تعبانه من مي موزين اكل موزين و الخ .... و قبل كلشي مهما يكون شكل شعركم ف حبوا و لتكرهوا و اعتنوا بي بحب و لتفكرون زايد و تنقهرون كلشي اله حل ان شاء الله
بالنسبه لطبيعة الشعر الوراثه دورها جداً جداً جداً كبير
اقصد بطبيعة ستريت ويفي كيرلي، ملمسه خشن ناعم ، كثافته قليله متوسطه سميكه، و هذا وراثه من اهلكم و جيناتكم
يعني اذا انت بالاساس شعرك متوسط الكثافه متكدر تسوي كلش كثيف غير بالاكستنشن ?
