هي القهوه بالتلقيمه و الطريقه دي اسمها قهوه تركي؟ تعالوا كدا اعرفكم الاصل و الحدوته كلها من فين مبدأيا هي قهوه مصري و منبعها مصر و عمرها ما كانت تركي الحدوته كان طلاب الازهر اليمنين ف مصر دائما كانوا بيشربوا حبوب مغليه كانت بتخلي تركيزهم اعلي زمايلهم المصرين سالوهم فا قالوا لهم https://t.co/33bL1QnCU7

انها حبوب البن و قتها بداء الطلاب المصرين يطلبوها من زمايلهم اليمنين و يشربوها التجار ف مصر عرفوها بداءو يستوردوا حبوب البن اليمني و بداءو انهم يمحصوها و يطحنوها و يبيعوها و بداءو القهاوي البلدي تقدمها بالفعل الي ان وصل الخبر للازهر اللي افتي وقتها بتحريمها تماما

لانها توثر ع العقل و ممنوع بيعها طبعا بعض المتشددين عرفوا دا نزلوا و هاتك يا تكسير ف محلات التجار و القهاوي و بالفعل ف الخناقه دي مات شيخ التجار وقتها بسبب الخناقه دي و لان الفتوي كانت من الشيخ علي أحمد السنباطي بتحريم شرب القهوة باعتبارها "مادة مُسكرة مُخدرة للعقل" ف كانت

خناقه كبيره جدا و الكلام دا ف القرن ١٨ و وقتها نزلت الشرطه للشوارع عشان تفض القصه دي و حبست ناس من اللي بيشربوا القهوه كمان و الاهالي كسروا القهاوي و ممنوع تتشرب ف السر او العلن حتي و لما اتقتل شيخ تجار القهوه ع ايديهم هربوا ف المسجد وقتها بداء التجار يتجمعوا و يحاصروا

المسجد و عملوا سرداق عزاء كبير جدا و مش بس كدا لا دول قدموا فيه كمان قهوه ساده ع روح التاجر اللي مات ووقتها أفتى القاضي الحنفي محيي الدين بن إلياس بجواز شربها و تشكلت لجنة من المتخصصين عشان يشوفوا فوائدها، بقي البن يجي من اليمن ل مصر، و اسم ال محلات اللي بتبيعه"خان البن".