سنة 1905 قرر الشاب المصري على مخلص الباجوري إنشاء نادي لممارسة كرة القدم زي اللي شافهم في انجلترا اثناء دراسته هناك، فقام بتأسيس نادي سماه نادي النجمة الحمراء علشان يكون أول نادي يأسسه المصريون في التاريخ، السكة الحديد سبقه بسنتين لكن اللي أسسه الإنجليز. https://t.co/XmxfQ1cCDy

النجمة الحمراء أتحول اسمه لنادي موظفين الحكومة لحد أوليمبياد باريس 1924 وكان اللي بيمثل بعثة مصر هم لاعيبة النادي ده وحققوا نتائج رائعة فقرر عباس حليم رئيس اللجنة الأوليمبية المصرية تغيير اسمه للنادي الأوليمبي.

وفي سنة 1966 كتب الأوليمبي تاريخ جديد وأصبح أول نادي من خارج القاهرة يفوز ببطولة الدوري مش بس كدة، الأوليمبي هو أول نادي مصري في التاريخ يشارك في بطولة أفريقيا للأندية ( دوري الأبطال) سنة 1967 وكاد انه يصبح أول فريق مصري يفوز بيها لكن الحرب اجبرت الفريق على الانسحاب من البطولة.