هذا الثريد راح يكون مرجع لكل شخص يتمنى يكون رسام لكن تنقصه بعض المعلومات او كلها ، راح انزل لكم معلومات حسب "تجاربي" عن الوان "الزيت" "الاكرليك" "المائي" "اقلام الرصاص" وحاجات اخرى ??? :
اليوم راح اتكلم عن "الالوان المائية" او "Watercolors” , وش هي؟ ووش الادوات الصح اللي نستخدم معها ووش افضل الماركات؟
اولاً ، الالوان المائية يميزها شفافيتها العالية وتفاعلها مع الماء وكيف نقدر نوصل لدرجات شفافة جداً باستخدام نفس اللون بالاستعانة بالماء بس ، عندنا المثال بهذي الصورة ، الاختلاف فقط بكمية الماء المضافة ، وش استخدمت؟ اللون نفسه وبكل مره ازيد كمية الماء الى ان وصلت لشفافية الزجاج https://t.co/NxjYw5tqAL
عندنا طريقتين للتلوين :
١- "رطب على جاف" :
معناها نأخذ اللون مع الماء ومباشره نلون على الورق وهنا يكون سرعة امتصاص الورق للون اسرع والثبات اعلى ومافي مجال للتعديل https://t.co/krzjiuqwhg
٢ - " رطب على رطب" :
نبلل المكان اللي نبي نلونه بماء نظيف "خفيف جداً" وبعدها نلون نفس الطريقة الاولى ، عندنا هنا طريقة الانتشار تفرق ، اللون اخف بحكم الماء اللي حطيناه اول ، وحلوه هذي الطريقة خصوصا للبناء "نحط اللون بدرجات خفيفة حتى نصل للون المطلوب" https://t.co/EFMGagg2Rv
