عارف اكلت راسكم بالموضوع بس يعني الإشي انطلب مني اكثر من مرة ولتعم الفائدة

وزي ما خبرت من قبل الثريد هذا للناس اللي معدلها 95.1 وفوق وبنفس الوقت ما طلعلها طب مع إنه هذه رغبتهم

بداية وقبل موضوع ألمانيا، قدموا على منح وزارة التعليم العالي قبل أي شي حتى ما تتعبوا أهاليكم بالتكاليف وتأكدوا انه ما بطلعلكم منحة لأنها أحسن من 100 ألمانيا لا تغتروا، سواء في مصر، الجزائر، هنغاريا بلغاريا رومانيا المهم تكون ببلاش.

مش مهم شو جامعتك قد مهو مهم مكان تخصصك مستقبلًا

أوكيه الآن انت وصلت ألمانيا ومعدلك 1.2 (95.1) او أعلى (1.1-1.0) بالألماني

لتدخل طب بدك كمان شغلتين:

1. DSH
2. Test AS

شو هو ال DSH؟

هو أعلى إمتحان للغة الألمانية ممكن لحد أجنبي يحصله وبعادل مستوى ال C1 و C2

إله 3 علامات:

DSH1 معناته راسب

DSH2 بعادل مستوى C1

DSH3 بعادل مستوى ال C2

بلزم DSH2 عالأقل لتدخل جامعة، لكن يفضل بكون DSH3 لأنه بتاخد عليه بونص زياده وبتزبط علامتك قدام بعض الجامعات... https://t.co/PoV730zWak

ومنهم ما بقبلوا طلبك غير بDSH3 أصلًا

لهيك بنصح بهالشي وبشدة كمان

الإمتحان بنعمل بكل الجامعات تقريبًا وبختلف من مكان للآخر فاحتيارك لمكان الإمتحان بحدد مدى صعوبته

المهم يكون معترف فيه.

ولا ما بتقدر تقدمه بالأردن بس ممكن اقدم اشي بعادله لكنه أصعب ( Goethe C2). https://t.co/oz6dUysxYL