قبل ساعة كنت راجع للبيت

لمحت قريب من بيتنا شغالة واقفه بالشمس وكأنها تبكي

رجعت اشوف ايش قصتها وبمجرد اني قلت لها ايش فيه انهارت بالبكاء

بعلمكم قصتها وبحاول اختصر قدر الإمكان

وبقول لكم عن اللحظة اللي نزلت دمعتي فيها

الشغالة كانت تشتغل عند عائلة في حفر الباطن لمدة سنتين

وتقول كانوا احلى ناس وأحلى تعامل

راحت سيرلانكا ورجعت عند عجوز في الظهران

وصلت قبل عشر آيام

العجوز بهذلت عيشتها

تضربها على وجهها وتمعط في شفايفها

تمنعها من الأكل والشرب

تخليها تنام بصالة الطعام مع انها ساكنه لوحدها بالبيت

الشغالة تشتغل من 7 ص الى 1 ص

تنام 2 وتصحيها 5 الفجر

وتخليها تنظف البيت يومياً حتى لو كان نظيف

وكل همها انها ما تخليها تجلس او ترتاح

المهم بعد 10 ايام شغل في بيت العجوز قالت لها انا ما ابغى اشتغل

ودتها لثلاث مراكز شرطة

وكل المراكز قالوا لها وديها للمكتب اللي أخذتيها منه

راحت معها للمكتب اليوم وقالت لهم الشغالة ما تبي تشتغل وانا ابغى فلوسي

قالوا لها خليها عندك 5 ايام وبنشوف احد ثاني ياخذها ونعطيك فلوسك

طلعوا من المكتب وبعدها قالت للسواق وقف على جنب

لما وقف قالت للشغالة انزلي هنا وانا بروح لحمام قريب من هنا .. خمس دقايق ونرجع لك

تقول الشغالة انها نزلتها الساعه 10 الصباح

انا لما حصلتها كانت الساعه 12

تخيلوا ساعتين بالشمس وما معها جوال او جواز او رقم للمكتب

رحت البيت اخذت اختي ورجعت عشان اخذها لبيتنا

رفضت تركب

قالت ابغى مويه بس

تخاف ان العجوز ترجع وما تلقاها

قلنا لها اركبي لان العجوز ما راح ترجع