انا بقالي فترة
مش قادرة افهم ولا أعدي
قرارات حكومية ورئاسية
رغم اني من الناس المتابعين الجيدين
لظروفنا السياسية والإقتصادية
من ٢٠١١
قبل كده لا كان يهمني قرارات
ولا سياسات ولا حتى اسماء وزرا
بعد وكسة يناير وشبح ضياع مصر
مكانش قدامي غير اني اركز
واحاول افهم
١ ??
بعد الوكسة وركوب الاخوان للحكم
كنت بفكر اهاجر واسيب مصر
قلبي مطاوعنيش
اسيبها لمين ?
رغم المضايقات والسفالة
اللي عانيت منها كمسيحية
ف بلد يحكمها قطيع ارهابي
مقدرتش امشي واستنيت
على امل ان ربنا ينجدنا منهم
واملي اتحقق في ٣٠ يونيو
بعد سنة سودة مكنتش متخيلة
ان يعدي علينا اسوأ منها
٢
بعد خروج اكتر من ٣٠مليون مصري
واستجابة جيش مصر العظيم
لنداء جماهير الشعب
ووقوف السيسي في صفنا
تنفست الصعداء واستبشرت خير
ومع كل تصريح اننا هنعاني اكتر
كنت متخيلة انها فترة ولازم نعديها
ونتحملها بالطول وبالعرض
وكلي ثقة في السيسي
انه مستحيل يشتغل لحساب اي حد
الا لحساب مصر وشعبها
٣
من ٢٠١١ كلنا اتحملنا
وما زلنا بنتحمل
آخر سنتين مبقتش قادرة اتحمل
ولا افهم ولا اقدر اي ظروف
انا ممكن اتحمل ظروف بلدي
لكن اتحمل
١- ١٠مليون من ضيوفكم
اللي انا مدعيتش حد فيهم
ينازعوني ف اكل عيشي
وياكلوا خيرنا ويشتمونا
- وجود اخوان مش قادرين او مش عايزين تخلصوا منهم
- حكومة شايفة نفسها منزهة عن الخطأ
- اعفاءات لإرهابيين بغض النظر عن السبب
٤
- برلمان شغال ضد الشعب في معظم قراراته
وموافق على قوانين حكومية مجحفة
ودايماً محملة المواطن الليلة كلها
حكومة كيوت واحنا مفتريين
معروفة يعني?
عشان ميهمنيش اعرفه
اتحمل ايه ومين وليه?
٥
