قصة حقيقية
الموظف المصري
كنت اعمل مدير مصنع بالسعودية منذ سنوات وزارني بمكتبي اخ سعودي محترم صاحب شركة مقاولات
بدأ الحديث بقول شوف يا استاذ علاء (ملحوظة السعوديين غير معتادي التعامل بالالقاب) انا امي مصرية ووالدي سعودي يعني ليا في مصر زيك بالظبط ومن حقي اتكلم براحتي
بس متزعلش مني
قلت اتكلم براحتك
قال ايه اللي جرى لكم في مصر ليه المصريين اتغيروا كدة
زمان لما كنا نحتاج اي وظيفة كنا ندور على المصري ايا كانت الوظيفة من اول حارس البيت او البواب كما تقولون للطباخ للسواق للعامل للمهندس للطبيب
اي مجال كان المصريين شاطرين جدا
البواب والسواق مكانش بيشتغل موظف كنت تحس انه واحد من البيت خايف على اهله وعلى الاطفال بالبيت كانهم ولاده امانة ملهاش حدود وعزة نفس وكرامة محفوظة
بس للاسف ده كان زمان
وصدمني بقوله
عارف يا علاء انا دلوقتي لو احتجت اي حد للعمل في البيت او الشركة بقيت اقول هاتوالي اي حد الا المصري
للأسف اللي اشتغل في الخليج يفهم معنى الكلام ده وما بين السطور ولا داعي لتفصيله
لكن تعالى نواجه نفسناونحاول نعرف مشكلتنافين
لما اشتغلت في شركة انجليزية بالسعودية بالبداية عند وصولي للشركة تم اصطحابي والمرور على الشركة للتعارف بالموظفين وتعريفهم بي
ثم تم تعريفي الجوب ديسكريبشن
او مهام وظيفتي مطلوب مني ايه وعليا ايه وليا ايه
بالتالي انا عارف شغلي المطلوب اعمله وتم حصولي على دورات تدريبية تنقصني واحتاجها بعملي
لكن عندنا في مصر بيتعين الموظف يقولواله المواعيد من كذا لكذا واهم حاجة الالتزام والامانة ويسال هو عالمرتب والامتيازات
دون التفكير فالعمل ذاته
