الدكتورة اللي وقعت في الزِنا مع طالب جامعي، لما كانت في ثانوي عمرها ماتخيلت إنها تعمل كدا..

الشيخ اللي حياته كلها بين المسجد والقرآن، عُمره ما تخيل إنه يموت على الكُفر..

المُنتقبة اللي لبسها إسود في إسود عمرها ما تخيلت تقلع الحجاب وتلبس بناطيل..

كل اللي انتكسوا مكانوش عارفين إنهم هينتكسوا، وكل اللي حياتهم فجأة اتحولت ومعصيتهم ظهرت للناس، عاشوا كتير أوي تحت ستر ربنا بس متعظوش للأسف!!

برصيصه العالم الجليل صاحب الخُلق والدين، الناس كانت بتلجأ إليه من كل مكان عشان يحل مشاكلهم ويدعيلهم ويعالجهم بالقرآن من السِحر وغيره،

جاله ناس يعالجوا بنتهم عنده وطلبوا منه تفضل معاه وهم في كامل الآمان والثقة إن عالم الدين والراجل الطيب دا لا يفعل الحرام.

بقا يحط لها الأكل قدام الباب وبعدين بدأ يدخل الأكل ليها وبعدين ياكل معاها إلى أن وقع في الحرام وفعل الفاحشة، لما اكتشف إنها حامل قتلها

والشيطان زُين له أنه لو ركع له سيُنجيه وبالفعل ركع له ثم قبضه الله ومات على الكُفر..

أكتر حاجة بخاف منها هي حديث النبي صلّى الله عليه وسلم "إن العبد ليعمل بعمل أهل الجنة حتى ما يكون بينه وبينها إلا ذراع، فيسبق عليه الكتاب، فيعمل بعمل أهل النار فيدخلها ".

الشيطان مش هيجي يقولك إزني أو اقتل أو أكفر بالله، لكن هي خُطوات بتتبعها ممكن تبدأ بضحكة، بصورة، بمحادثة، بأغنية ببوست، بفيلم، بخُلوه على النت، ممكن توصلك إنك تموت على الكُفر فمتستهونش أبداً بالذنب.

احذر أن تهتك سِتر الله عليك..