قواعد العيشة في مصر

1- إتنفس من بوقك

2- إطلع برا القاهرة

3- إسكن في شقة شرقي بحري

4- تفادي النزول من بيتك في أوقات ذهاب القطيع و عودته من المرعي

5- لو ساكن في 6 أكتوبر و جالك إنترفيو في مصر الجديدة أو التجمع ما تروحش و العكس صحيح

6- قول شكرا و معلش كتير

7- لو روحت مكان جديد و لقيت لمبة محروقة علي الباب روح

8- ما تتكلمش مع حد من القطيع في أي حاجة حتي حالة الجو

9- البلد دي مفيهاش أي حاجة يتزعل عليها فخليك فريش

10- إقرأ كتير جدا و إنسي كل إللي بتقراه علي باب بيتك و إنت خارج

11- لا يوجد شئ في مصر يستدعي الصحيان علي منبه

12- إللي ما راحش الصعيد ما يعرفش حاجة عن مصر ... روحوا الصعيد

13- المنصورة و طنطا و دمنهور مش محافظات دول عواصم الدقهلية و الغربية و البحيرة ... إعرف بلدك عشان مش هتبقي عيشة مقرفة و كمان حمورية

14- مصر حاليا عايش فيها خمس أجيال: مواليد الألفية / مواليد ما بعد 1980 / مواليد الستينات و حتي السبعينات / مواليد ما بعد الحرب العالمية الثانية / مواليد ما قبلها أي محاولة للتواصل بين هذه الأجيال الخمسة حتي لو عايشين في بيت واحد هتكون عواقبها وخيمة فكل واحد يخليه في حاله

15- لو معاك فلوس تكفي سنة أكل و شرب ما تروحش المرعي مع القطيع

16- إتنفس من بوقك