السلام عليكم

موضوع - Voltage Unbalance

القانون كالتالى :

عدم الاتزان = (اكبر قيمة - القيمة المتوسطة) / القيمة المتوسطة

نسبة عد الاتزان فى الجهد المسموح بيها كالتالى:

• فى ال IEC بالنسبة للمواتير نسبة 5%
• فى ال ANSI STANDARD C84.1 نسبة 3% على التغذية العمومية https://t.co/GKz9FS25rI

و نسبة 1% على اطراف المواتير

• فى كود هونج كونج بالنسبة للوحات التوزيع مسموح لحد 10%
• فى ال EN-50160 and IEC 1000-3 بالنسبة للتغذية العمومية جهد منخفض او جهد متوسط بتكون 2% اذا تم القياس بطريقة ال the ratio of sequences method لمدة 10 دقائق مع اقصى قيمة لحظية تساوى 4%

-فى كود توزيع الكهرباء -مصر 5% للشبكات حتى 1 كيلو فولت و 2% للشبكات اعلى من 1 كيلو فولت ويسمح بتجاوز هذه النسب لمدة دقيقتين لتصل الى 10% للشبكات حتى 1 كيلو فولت و 4% للشبكات اعلى من 1 كيلو فولت

خطوات الحساب كالتالى:

الخطوة الاولى: اجمع ال 3 قراءات الجهد على ال 3 فازات

الخطوة الثانية : احسب القيمة المتوسطة = قسمة المجموع من الخطوة الاولى على 3

الخطوة الثالثة: اطرح القيمة المتوسطة اللى حصلنا عليه فى الخطوة الثانية من قراءة الفاز اللى بتعطى اكبر فرق عن المتوسط (قيمة مطلقة يعنى اهمل السالب)

الخطوة الرابعة: اضرب ناتج الطرح اللى حصلنا عليه فى الخطوة الثالثة فى 100 واقسم على متوسط القراءات اللى حصلنا عليه من االخطوة الثانية يعطى النسبة المئوية لعدم الاتزان فى الجهد

ملحوظة: هذه الطريقة وهذه النسب يمكن استخدامها لحساب عدم الاتزان فى الجهد او التيار او الحمل.