1/ثريد بحدود معرفتي المتواضعة لموضوع أغنية (لولا)

لولا أو اللولية و غيرها من المسميات وحدة من اسماء جن الريح الأحمر( أولاد ماما) و هي بالتحديد وحدة من بنات الجن الحبشي بشير لومي من أخوانها المعروفين في مجتمعنا وِلد نورة(سيد التلاتة الما بصبح الواطة) الكنا بناديهو عاد نوووورة☺️

2/بالاضافة إلى قميرية و للأسف ديل الأكثر انتشارًا بين نساء السودان

بتم تحضيرهم عن طريق الظار و اللي هو من طقوسه جلسات معينة بتشرب فيها قهوة و بخور و غناء أغاني ورقيص معين وفتح العِلب دايما بنسمع تحضيرها في وسط أغانينا زي لولية بناديها (اللول اللول يا لولية بسحروك يا لولا الحبشية

3/ لولية انتي ما صعبة حبشية انتي ما صعبة أنا بحب كسلا و أديس أببا)

(تفتحي العلب و تعملي العجب يا لولا)

و (لولا ست البيت اللولية ..إلى آخره)

و بنسمع برضو مناداة أبوها في الأغاني (سووالبخور لي بشير لومي و قولو دستور دا بشير نازل)(بشير غدار يابشير لومي ودا الشرابو سجار يا بشير لومي)

4/بالإضافة يوجد أنواع كتيرة جدا منهم الخواجة الموجود بكثرة في أغاني رقيص العروس (غلبني استحضر مقطع له)

و منهم أولاد الزرق جماعة أزرق بندة البجيب الحاجات الرايحة ( الليل الليل يا دابي الليل البحوم بالليل) و أخوه شاكر حلال المشاكل في أغنية :(أنا ليك أبوي شاكر أبوي حلال المشاكل

5/التي تستكمل بقية مقاطعها: عاملة جبنة بي نظاما..و الشيخة أسمع كلاما..سلامات لي وِلد ماما"أولاد ماما الذكرناهم في البداية")

بالرجوع تاني لي نقطة الظار و فتح العلب في الأغنية

؛ طيب فتحة العلبة هي علبة فيها بخور معد خصيصا للجني لحظة فتحها تكون لحظة استعباد خادم الجن للبشر تختلف..