ثريد: اتصالات #عطارد و #نبتون في خريطة الميلاد … #أبراج #خرائط_فلكية https://t.co/wGawmc0Ggr
١. صعب تلاقي شخص يثير فضولك ويحيرك زي الشخص اللي عنده اتصال بين عطارد ونبتون في خريطة ميلاده اياً كان نوع الاتصال (اقتران، تربيع، معاكسة، تسديس، تثليث او حتي عدم اقتران) الشخص ده هتسمع منه القصة او الموضوع بطريقة مختلفة وممتعة جداً حتي لو كنت سمعتها مليون مرة قبل كده.
٢. اي شخص عنده اتصال بين عطارد ونبتون طريقة استيعابه و تحليله للأمور مختلفة عن الغير كأنه شايف حاجة محدش غيره قادر يشوفها ولذلك اغلبهم من سن صغير معرض لسوء الفهم وبيتم التسرع في الحكم عليهم، خاصةً لو الشخص نشأ في اسرة يغلب عليها العنصر الناري او الترابي سهل يعاني من النقطة دي.
٣. لو هنفترض ان نبتون وعطارد اشخاص، فنبتون شخص لا يؤمن بالنهايات ولا بالواقع وعطارد شخص مرن وعنده فضول فصعب يقاوم سحر نبتون. يقوم نبتون بمكر كل ما يلاقي عطارد في حالة ملل يقوله تعالي ورايا هتشوف مكان محدش شافه. نفس الفكرة اتصالات عطارد ونبتون بتخلي الشخص يتخطي حدود الزمان والمكان
٤. اتصالات عطارد ونبتون بتمنح الشخص مساحة كبيرة مليئة بالخيارات يقدر من خلالها يفكر بالطريقة اللي تعجبه ويحلل الامور علي كيفه وكأنه غير مقيد بأي وقت او مكان. تخيل يبقي عندك مساحة وحرية كاملة تفكر وتتصرف بالطريقة اللي تريحك في الوقت اللي يناسبك بدون قيود، قواعد او التزامات! جنان
