يا مساكم ربي بكل جميل ومفرح و يسعد قلوبكم و يريح صدوركم و يزود فلوسكم ?..

سمعتوا عن مصطلح Fix & Flip ؟

انا جاي اليوم أشرح لكم هذي الفكرة.. فهيا بنا يا أصدقاااااء

#الاستثمار_العقاري

#التطوير_العقاري

هذا معناته (صلّح وبيع)، يعني تشوف عقار وتشتريه وتزبطه ثم تبيعه وتاخذ الفرق في جيبك وهذا سوق كبير في أمريكا وفيه الآن شركات ناشئة تقنية #Retech تشتغل في هذا المجال مثل شركة fund that flip المتخصصة في إقراض المستثمرين في هذا المجال..

راح أقسم الموضوع كالتالي:

١- كيف أشتري؟

٢- كيف أصلح؟

٣- كيف أبيع؟

٤- زبدة العلم.

١- كيف أشتري؟

١-١ تخصصك في نوع من العقارات بيساعدك تتبّع السوق والأسعار والطلب بشكل أكثر دقة، أهم شي إنتبه من العقارات الفخمة لا تقرب منها وأنت في البداية والسبب كالتالي:

١- غالية وراح تستهلك محفظتك الاستثمارية وترتفع المخاطرة لأن كل البيض صار في سلة واحدة.

يتبع..

٢- هذا النوع من العقارات تحتاج مواد فخمة، يعني تسوي جبس وتدهنه بني محروق على أساس انه إطار خشب لا يا حبيبي، هنا لازم خشب أصل وفصل.

٣- بعض المواد والأنظمة في العقارات الفخمة تحتاج عمالة متخصصة.

٤- أسعار المواد والعمالة راح تزيد عليك لأنك بالنسبة لهم كاش وما يهمك.