تشافي عمل كل حاجة في الكورة، مهارة ولعب للمنظومة ورؤية ملعب وأهداف وأسيستات وتحرك جسدي مش طبيعي، تشافي كان كتير بيخرج من مناطق الضغط بتدوير جسمه بس ومعاه أكتر من 2 لاعبين من الخصم بيضغطوا عليه.

فمتحاولش تقلل من تشافي مهما حصل علشان شكلك هيبقى وحش أوي.

ثريد عن المايسترو.. https://t.co/JoEkqLovki

كان فيه إمرأة عربية كانت بتُسمى بزرقاء اليمامة لأنها كانت بتشوف مسافات بعيدة بوضوح، هو ده سبب تسمية تشافي بإسم زرقاء اليمامة، تشافي كان بيشوف كل المسافات البعيدة في الملعب أوضح من رؤية لاعبين لمسافات قريبة، و ده مش بس لأنه كان بيمرر طوليات كويس، هو كان بيعمل أكتر من كده بكتير. https://t.co/Bsc3QIEpp0

تشافي وهو 18 سنة بس إنضم للفريق الأول لبرشلونة، لويس أراجونيس المدرب العجوز الملقب بالحكيم كان من أول اللي آمنوا بإمكانيات تشافي، وقتها كان فيه ماتش لبرشلونة ضد مايوركا في نهائي كأس السوبر الأسباني، أراجونيس نصح الجهاز الفني لبرشلونة بمشاركة تشافي ولو بدقائق كبديل، وفعلًا حصل.. https://t.co/rmezdNeEK1

تشافي دخل في الدقيقة 60، الفريقان متعادلان بهدف لهدف، تشافي بيتقدم بدون كورة زي الحرامي في الدقيقة 81، إتمررله الكورة، وبثقة مميزة راهن على إنه يراوغ مش يمرر.. راوغ المدافع والحارس وحط هدف! علشان يتقدم برشلونة بثنائية، وتنتهي المباراة لصالح البلاوجرانا مُتوجًا ببطولة السوبر. https://t.co/iC0EYDMbdD

بطل الفيلم الجديد؛

بيب جوارديولا مع برشلونة، كان عبارة عن موسيقار مُفكِر بأدوات مميزة في الملعب، وصل لذروة الإبداع الفكري. "false 9" أو المهاجم الوهمي، طريقة أبدع فيها بيب رغم إنها مش من إختراعه لكنه أضاف لها كتير في تاريخ اللعبة، https://t.co/aOp0qEWhFl