طبعا حضرتك مبسوط جدا ب #طالبانتنتصر و #امريكاتنهزم !! حقك طبعا كمغفل تفرح ، مفيش حد يمنعك انك تفرح و تهلل كمان ، ما انت مهزوم نفسيا و عاوز اي حاجة تحسسك أنك لك وجود وسط العالم وأن لسه فيك امل وانك بتنتصر اهو و اهي سهلة اهي يا جماعة اومال مصعبينها ليه علينا !!
اولا هقولك الوضع علي الحدود الأفغانية و الدول المجاورة و خريطة التحالفات الجديدة شكلها ايه و المصالح الحالية ايه و المطلوب ايه و انت فكر و شوية واقعية الله يرضى عليك و شوية عقل لله يعني مش ليا والله
و اقرا اللي جي كدة بتركيز شوية
و بعدين قرر تفرح أو تحزن أو تعيد تفكير
اولا الحدود الأفغانية الطاجيكية
استولت طالبان على المناطق الحدودية و سيطرت على خمس مقاطعات في إقليم بدخشان بأفغانستان – هي كوف آب، وخولان، ومايماي، ونوساي، وشيكاي و بعدين سلمتها ل اسمها جماعة أنصار الله، اللي باسم طالبان الطاجيكية، المحظورة باعتبارها منظمة إرهابية في طاجيكستان
الأمر اللي دفع طاجيكستان بإرسال ٢٠ الف مقاتل للحدود الطاجيكية الأفغانية لردع جماعة أنصار الله ، مع طلب دعم من روسيا اللي اساسا متأخرتش و بعتت الف جندي ، ده بالإضافة للتدريبات العسكرية الطاجيكية الروسية اللي شارك فيها ٢٣٠ الف جندي ،
جماعة أنصار الله واجهت اتهامات الفترة الأخيرة بميلها ناحية داعش ( ولاية خرسان ) و في فيديوهات تم نقلها ل مقاتلين من جماعة أنصار الله وهي بتعدم جنود أفغان في الفترة قبل ما طالبان تبدأ السيطرة علي أفغانستان ،
السؤال بقي جماعة أنصار الله عاوزة تعمل إمارة إسلامية في طاجيكستان
