علشان نقفل الباب على موضوع القروض وصندوق النقد الدولى فده شرح مبسط جدا للى حصل والى هيحصل فى الاربع سنين الجايين والشرح منقول بقلم ا/ مصطفى اسكندر
الموقف كالآتي:
دلوقتي احنا علينا ٨٠ مليار أقساط قروض محتاجين ندفعهم سنويا لحد ٢٠٢٧: ?
متقسمين كالآتي
٢٠٢٣: ١٧ مليار
٢٠٢٤: ٢٤ مليار
٢٠٢٥: ١٥ مليار
٢٠٢٦: ١٦ مليار
٢٠٢٧: ١٠ مليار
من بعد ٢٠٢٧ هاتحتاج تدفع ٢ مليار تتناقص كل سنة لحد ٢٠٥٤ فا هاتبقى الدنيا سهلة - مصدر الأرقام هو البنك المركزي نفسه.?
الاربع سنين ٢٠٢٣ - ٢٠٢٦، اللي قبلهم حلو واللي بعدهم حلو، بس الاربع سنين دول ماعرفش هانعديهم ازاي.
يعني من ٢٠١٦ مثلا كانت اقساط ديوننا كالاتي
٢٠١٦: ٧ مليار
٢٠١٧: ١٣ مليار
٢٠١٨: ١٣ مليار
ووقتها كنت طالعين من مؤتمر اقتصادي ٢٠١٥ جيوبنا عمرانة، ومافيش كورونا ?
ومافيش حرب ومافيش فيدرالي امريكي رفع الفايدة وسحب منك الاموال الساخنة،كانت الدنيا بخير
فجأة بقى مطلوب تدفع ضعف الاقساط، ومش معاك نفس الاحتياطي النقدي اللي كان موجود زمان. فالموضوع أكيد يقلق
اما مابعد ٢٠٢٧ هايبقى حلاوة.عليك ٢ مليار كل سنة مفروشين على تلاتين سنة وبيتناقصوا كمان?
احنا اساسا دافعين ٢ مليار اقساط قروض في مايو لوحده. تخيل ان دول هايبقوا اقساطك خلال سنة كاملة. مش هاتحس بيهم اساسا في الموازنة.
هاتيجي تقوللي ماهو احنا ممكن نستلف تاني و نزود ال ٢ مليار دول.
الاجابة - الحلوة والوحشة في نفس الوقت - هي لأ. احنا مش هانعرف نستلف تاني. ?
