تعالوا احكيلكم حكايةكده بمناسبة موسم الحج الاستثنائي اللي مر بينا السنة حكاية عن ازاي انه مش الموسم الاستثنائي الوحيد وان فيه وقائع مفزعة حصلت في الحرم المكي الشريف ومنعت الحج لمدة 22 سنة متتالية...

ايوة المسلمين قعدوا 22 سنة مفيش شعيرة حج تقام

تابعوا الثريد.....? https://t.co/sVsjqpOIdO

في يوم التروية وفي ذروة موسم الحج سنة 317 هجري اتفاجئ معشر المسلمين العزل بغارة حربية عنيفة هجمت فيها جيوش مدججة بالأسلحة على الناس اتقتل الحجاج في المسجد الحرام واتسرقت أستار الكعبة واتقلع الحجر الأسود من مكانه وأخدوه والأبواب اتخلعت واتنشلت واتنهبت أموال الحجاج،

واغتصبت الستات في ممرات الطواف ومشيت الخيول وسط بحر دم في شعاب مكة واتردم بير زمزم بأكوام من أشلاء الجثث وتحولت بلد الله لأطلال بيسكنها الموت والخراب وقيل إن عدد القتلى وصل لتلاتين ألف وأكتر واتمنع الحج لمدة 22 سنة متتالية بعدها..

الكارثة دي حصلت بعد قيام دولة القرامطة في البحرين

وهم من الشيعة الاسماعيلية وبعد ما انضملهم عدد بير من قبائل العرب في المنطقة دي وصاروا قوة عسكرية كبرى قرر "أبي طاهر القرمطي" واللي مسك الحكم وكان شاب متهور، مجنون، عنيف، قاسي واللي اتغر بانضمام القبائل العربية لجيشه، رغم إن اتباع قبائل الجزيرة العربية كان سياسي وبس مش ديني،

بحكم إهمال الدولة العباسية ليهم، وضعف اقتصادهم، على عكس الدولة الأموية في السابق اللي كانت بتاخد منهم عماد الجيوش والفتوحات، وبتدخلهم في العمل السياسي، بدأ "أبي طاهر" حربه الملعونة الشنيعة ضد بلاد المسلمين..

فقام بجمع كل حلفاؤه وجيوشه وهجم على مكة في اليوم الكارثي ده..