زي ما قولت لكم ان جوزي حاليا في الحجر الصحي هو في مستشفى newyork Presbyterian بعد الفحص وعمل التحاليل له الدكاترة بلغوه انه كان اتصاب قبل كده بالكورونا واتعافى منها ورجعت له تاني وهم دلوقتي لسه في مرحلة دراسة ده ولسه بيعملوا له تحاليل وفحوصات كاملة

طيب ايه القصة...هقولكم

في أواخر شهر أكتوبر وأوائل نوفمبر جوزي كان في ماليزيا وتعب جدا حرارة شديدة مصاحبة لرعشه وقئ واسهال والتهاب في الحلق طبعا كان متخيل انه عنده برد وهو بطبيعته مش بيحب ياخد أدوية ومضادات حيوية وبيعتمد على البنادول

في تاريخ ٣١/١٠ راح كشف الدكتور قال له انت ماعندكش برد وكتب له علاجات اعتمدت اساسا على الباراسيتامول https://t.co/aAE4dAzmgi

في الفترة دي هو مافضلش في المستشفى بس كان تقريبا كل يوم بيروح يكشف لأنه كان تعبان جدا وكان العلاج مش جايب نتيجة زي ما كان بيحكي لي وتقريبا فضل كده اسبوع او ١٠ ايام لغاية لما استعاد صحته تاني

طبعا محدش وقتها كان يعرف حاجة عن الكورونا...لكن لما الدكتورة إمبارح قالت له انت تمت اصابتك قبل كده هو حكى لها على اللي حكيته لكم ده...وهو حاليا زي ما قولت لسه في مرحلة الفحص لحالته ومحجوز طبعا في المستشفى