ثريد تكتيكي عن طريقة دفاع مانشستر يونايتد أمام مانشستر سيتي في الأولدترافورد، شرح لمبادئ الضغط وطريقة تطبيقه، وكيفية السيطرة علي السيتي لمدة شوط كامل..

يتبع (١) https://t.co/v161qTbuJ8

الهيكل الدفاعي كان عبارة عن الشكل ده، رقابة فردية في العمق، انتظار محفزات الضغط علي قلوب الدفاع، انتظار تطبيق مصيدة الضغط علي الأطراف..

كل حركة من لاعبي السيتي هي سؤال للاعبي اليونايتد والإجابة كانت جاهزة لأن تين هاغ رسم الطريق والشكل واستبق علي بيب تفكيره..

يتبع(٢) https://t.co/KdSA9m5Uel

اللي كان معمول حسابه أن هالاند هينزل يساعد في البناء فكان فاران مراقبه لحد وسط الملعب لكن ده كان آخر مكان يقدر يراقبه فيه بعدها الجناح بيبدأ يضم للعمق عشان يعمل مصيدة الضغط في العمق، ومع رجوع الكرة للخلف اللعب هيتنقل للأطراف اللي بتكون جاهزة عشان يتطبق عليها المصيدة

يتبع(٣) https://t.co/kVHidKloA9

المصيدة بتتعمل علي الطرف بمواقف فردية متساوية بدون أي تفوق للخصم وبتحجيم للمساحات عشان يجبر الخصم يا إما الرجوع للخلف تاني أو أنه يحاول يخترق وساعتها محاولات قطع الكرات هتكون أسهل

يتبع(٤).. https://t.co/olsa7Tlfkp

زي ما وضحنا في أول صورة، التمريرة لأكانجي بمثابة محفز للضغط من الجناح عشان يمنع التدرج من العمق بالمراقبات الفردية وحتي بوضيعة جسده بيمنع التمرير للطرف وبالتالي بيرجع بالكرة للحارس

يتبع(٥).. https://t.co/11mTgEggHQ