التحرش الجنسي و ملابس النساء: نظرة أوسع
#اليومالعالميللمرأة
#InternationalWomensDay
قبل القراءة:
- الثريد وحدة واحدة لا يُحكم
- الثريد لا يعمم، الكلام ينطبق
- الثريد لا يناقش المسألة من
- الثريد لا يناقش الحريات
على تغريداته بشكل منفرد
على من ينطبق عليه
منظور ديني/أخلاقي
١/٨٢
لما ظهرت شهادات الاعتداءات الجنسية السنة اللي فاتت أو #MeToo المصرية، حصل الجدل المعتاد حول أسباب المشكلة.. الملابس، لأ مش الملابس، المد الوهابي، لأ الانفتاح الغربي، المشكلة عندنا، لأ المشكلة عالمية. و الحقيقة إن كل وجهات النظر تحمل قدر من المنطق، لكن ازاي؟ هنا محاولة للإجابة..
٢
في ٢٠١١ و بعد حادثة اغتصاب في كندا، أحد الضباط قال: "لو الستات مش عاوزين يتعرضوا للاغتصاب يبقى مايلبسوش زي العاهرات". من ساعتها و لغاية دلوقتي اتعملت حوالي ٧٥ مظاهرة في حوالي ٢٠ مدينة حول العالم تحت مسمى "مسيرات العاهرات" لرفض مفهوم لوم الضحية و إن ملابس المرأة لا سبب ولا مبرر.
٣ https://t.co/DF0fGIzCxV
في بريطانيا، ٥٥٪ من الرجال و ٤١٪ من النساء شايفين إن الملابس الكاشفة بتشجع التحرش! البرازيليين ٥٨٪ منهم شايفين إن اللي تلبس ضيق تستاهل اللي يجرالها! في سنغافورة، ٤٥٪ من الرجال و النساء شايفين إن اللي تلبس بشكل مثير مش من حقها تعترض على تعليقات الرجال! و الشرق الأوسط نفس الفكرة.
٤
في إحدى الدراسات، جابوا مجموعتين من طلاب الجامعة و خلوهم يقروا خبر عن جريمة اغتصاب و حطوا صورة الضحية مرة بالملابس الداخلية و مرة بوشها بس. المجموعة اللي قرت الخبر بصورة الملابس الداخلية حطوا لوم أقل على الجاني مقارنة بالمجموعة اللي قرت الخبر بالصورة التانية!
يا ترى إيه السبب؟!
٥
