ولدتني امي في خيمة بالبر وبعد كم سنة قرر ابوي وجدي نسكن في هجرة من هجر القصيم ، مايجون ١٠ بيوت اهلها من نفس القبيلة بس ماهم من نفس الفخذ ، بيت شعبي سقفة من خشب وفرحانيين فيه ، اقرب مدينة لنا تبعد حول ١٠٠ كيلو وفيه قرية عنا ١٥ كيلو درست فيها ابتدائي ومتوسط وثانوي .
#رحتمعالعجة
في هالبيت معنا جدي وجدتي بس ، ابوي ماله اخوان ولا خوات ماتوا وهم صغار من وباء ، حتى ابوي اثر فيه ويده فيها اعاقة بسيطة من حرارة جاته بسبب هالوباء ، وتزوج جدي مرتين ع جدتي عشان يجيب عيال بس ماكتب الله وتركن جدي عشان هالشي .
#رحتمعالعجة
فيه محطة تبعد عن هجرتنا كيلو ع خط سيد واحد يودي الطايف ومكة ودايم اروح لها وانا صغير ايام الابتدائي والمتوسط واتفرج ع الناس المسافرين وخاصة العوايل واتحسر ع حالتي اللي ابعد مارحت للقرية اللي ادرس فيها .
#رحتمعالعجة
ابوي وجدي بدون وظيفة ماعندهم الا الغنم والحلال ويكدون فيها وحالتنا المادية زفت نفس حالة كل جيراننا بس راضيين وعايشين ، وبعد خلصت رابع في الاجازة توفى ابوي حادث واول مره اشوف اللي يقربون لنا عمان ابوي وعيال عمه جو يعزون وماشفتهم بعدها .
#رحتمعالعجة
ابوي اكبر مني ب ٣٠ سنة وانا اكبر عياله ولي اختين اشقاء ، خطب كثير بس محد زوجه عشان حالتة وبدون وظيفة وتزوج امي اليتيمة من ولادتها ابوها متوفي وماعندها اخوان او خوات اشقاء وامها تزوجت ع طول وراحت مع زوجها وتركت امي عند جدتها ليين جاء ابوي وتزوجها وهي تقرب ل ابوي بس من بعيد .
