الرقبة المشموطة، او زي ما بقولو neck stiffness، بتجي ليه، و ترتاح منها كيف، و ليه ما تمشي بيها لبصير في الحلة. https://t.co/W1Qq3EJ5lC

ال"شمطة" دي و الألم البجي معاها بكونو نتيجة لشد عضلي، او تمزق خفيف في عضلات الرقبة، الجانبية خاصةً يعني، الممكن يسويها شنو :

-النوم الغلط، و بالنوم الغلط بنقصد اي وضعية لمن تاخدها بتحس انو العضلات منقبضة عشان الوضعية مجهدة بالنسبة ليها.

-وقعة و مع الوقعة راسك مال على الجانب شديد.

-بصورة تكرارية تحرك راسك يمين و شمال، زي في السباحة كدة. https://t.co/EOTr7hNyPo

-الأكتئاب و الضغط و العصبية و التنشنة، دي كلها بتخلي العضلات في وضعية منقبضة على فترات طويلة.

-الدنقير الكتير في التلفون، و كمان مسكة التلفون بين الراس و الكتف زي في الصورة..بقى في ايربودز ياخوانا شفتوا الشركات خايف على رقبتكم كيف ؟ https://t.co/5pxqPpq52o

الرقبة المشموطة بتختلف في حدةالاعراض، و قوة الألم، و المدة، اذا كانت خفيفة الراحة لمدة يومين مع مسكنات بتروح، مرات ممكن تاخد معاك لحدي اسبوع