اتكلمنا عن الزواج في مصر القديمة وعن قايمة الزواج

جبتلكم أقدم قايمة جواز في التاريخ من مراية وخاتم لطقم الصيني والچيلي?? قايمة الجواز اللي بينفرد بيها المجتمع المصري دون غيره واللي حالياً بتمثل جزء من ثقافتنا الموروثة واللي بردو في كتير من الأحيان بتكون سبب مشاكل ? https://t.co/BNtlba5BAo

2-القايمة اللي بتبوظ بسببها جوازات كتير هي في الحقيقة جذورها قديمة جداً ومتأصلة في الثقافة المصرية ..

لو هنتكلم على أصلها محتاجين نرجع بالزمن كتير مش بس خلال العصر الإسلامي ولا العصور اليونانية الرومانية أيوة بالظبط هنرجع للعصور المصرية القديمة ?

3-وتحديداً الأسرة 30 خلال الإحتلال الفارسي لمصر وقتها وفي عهد الملك "نخت نبف" في السنة 15 من حكمه وصلنا أقدم نموذج لقايمة جواز بمتاع ومشتملات العروسة اللي بتحملها لبيت جوزها وكانت القايمة موثقة ضمن عقد الزواج وبتنص على التالي :??

4-"هذه هي قائمة متاعك الذي أحضرته معك في بيتي :

1- غطاء للرأس من الشعر المستعار = 4 ك

2- رداء = 2,5 ك

3- ضفائر من الشعر المستعار = 1,5 ك

4- رداء = 1 ك

5- مرآة برونزية = 1 ك

6- "مسا" وهي كلمة مصرية غير معروف معناها = 1 ك

7- خاتم من الفضة = 2 ك

المجموع = 13 ك?

5-قيمة هذا الجهاز من ملابس وأشياء معدنية أحضرتها معك إلى منزل الزوجية 10/14دبن فضية فمادمت في منزل الزوجية فهي معك وإذا تركت منزل الزوجية فهي من حقك

ودي كانت أقدم قايمة زواج وبمرور الزمن وإختلاف العصور والديانات وإمتزاجها مع الثقافة والتقاليد المصرية شكلت هوية مختلفة ومتفردة لمصر