راح اكتب ثريد عن شعار الخطوط الجوية الكويتية الجديد والقديم، والتعليق عليه من ناحية فنية وتقنية.

اخترت أن اكتب عن الموضوع اليوم، لأني علقت اليوم الصبح على تويت صورة واحد من الأصدقاء (فارس)، وكان مصور لافتة قديمة عليها الشعار القديم للخطوط الجوية الكويتية.

#شعار_الكويتية #الكويتية https://t.co/8mGWcf4lxp

قلت بالتعليق:

"فعلاً جميل ..مو عشان نوستالجيا وخرابيط. هو فعلا شعار متقن، الرمز، الألوان، انسيابية الخط العربي والانجليزي والعلاقة المرئية بينهم. بعكس الشعار الجديد الضعيف من كل هالنواحي الفنية."

الأغلبية من اللي تفاعلوا مع التويت كانوا مؤيدين للكلام اللي قلته. ولكن البعض قالوا ان الشعار القديم مبيوق اصلاً وفي ناس قالوا أشياء مثل "ودكم تتحلطمون وتذمون اي شي!" وأيضًا "يبي يتفلسف" و"الشعار الجديد فخامة"، وغيرها من التعليقات..

وفي شخص سأل "الشعار اليديد مشابه للقديم إلى حد كبير (الرمز اللون الخط)، شنو اللي مخليه ضعيف بالضبط؟"

فقررت أن أحلل تصميم الشعار القديم والجديد والفروقات التقنية بينهم اللي تخلي الشعار القديم أفضل ومتقن أكثر من الشعار الجديد بمراحل.

شعار الخطوط الجوية الكويتية مر بعدة مراحل وتصاميم من سنة ١٩٥٤ إلى آخر تحديث في ٢٠١٥. https://t.co/9Dc62MIad5