قبل ما أبدأ سلسة الكروشية بطلب منكم طلب بسيط وهو إذا كنتوا تعرفون أي بنت بمرحلة المتوسط أو الثانوي و تستهويها هالأمور أو ما زالت تبحث عن هواية أرسلوا لها هالسلسة لأنها قد تكون بداية لإستكشاف إهتماماتها و هوايتها و ممكن تكون مصدر دخل إضافي إن بغت ❤️ https://t.co/FtGhfeLy1d

التريكو و الكروشية

كثير يخلطون بينهم و الفرق بينهم أن التريكو يكون بأبرتين و الكروشية بسنارة الكروشية غرزة أكثر و أسهل و مجال الإبداع فيه أكثر لأن الأعمال الي تقدرين تسوينها بالكروشيه أكثر و أما الخيوط المستخدمة لهم فهي نفسها. https://t.co/LqkVc3cLwH

بدايتي

بدايتي كانت وقت الحجر و كانت لي محاولات سابقة قبل سنة أو سنتين من الحجر في التعلم بس كنت احاول كم مره و ما أضبطها و أسحب نسيت الموضوع تماما و يوم جاء الحجر شفت دمية كروشية و كانت تحذبني الأعمال المحاكة و الي مليانة تفاصيل،جربت مره ثانية و فتحت اليوتيوب https://t.co/OkVhhbv2H9

و استخدمت أدوات كانت عندي من بواقي أعمال التربية الأسرية و الفنية حقات الثانوي و المتوسط و كانت صوف صيني من المكتبة و سنارة كروشية حديد لها راسين رقم 5 و رقم 6 مع ان الخيط ما كان مناسب للسنارة و الخيوط الصينية غير مناسبة للكروشيه أصلا و حاولت اتعلم الأساسيات بالموجود عندي.

طيب لنفترض ما عندك اي خيط او سنارة من قبل وش تسوين؟ أشتري سنارة رقم 5 أو ستة مع الخيط المناسب لها و تدربي كل يوم على غرزة وحده و سوي منها صفوف و هكذا مع كل الغرز الأساسية لين تتقنينها و هاذي القناة الي تعلمت منها أساسيات الغرز (إذا فيه أغاني قصروا الصوت)

https://t.co/h8z3gDHvkB