بص السيناريو دة ممكن يكون قريب مننا جداً و افهمه كويس

١-هتعرف ان شخص انت كنت قاعد معاه أو معاها من غير وسائل حماية شخصية tested positive for corona في خلال الاسبوع اللي فات

٢- هيظهر عليك أعراض في صورة حرارة او كحة او الاتنين .. متحاولش تحلل اعتبرها كورونا و غالبا هتبقي صح لان

مفيش حاجة خضرا من برة و حمرا من جوة و فيها بذر غير اما بتطلع بطيخة

٣- هتعزل نفسك في البيت و متحاولش تدور و تهري و تنكت في نفسك علي مكان في مستشفي و العلاج بتاعك في البيت هو اكل كويس و شرب كويس و خوافض حرارة و علاج أعراض لو انت مش من كبار السن او عندك سكر او ضغط او سرطان

٤- العزل هيبقي في غرفة لوحدك تماما و حمام لوحدك لمدة ١٤ يوم

٥- متتعبش نفسك تدور علي كلوروكين او تاميفلو ابو ٢٠٠٠ جنية بجد ملهمش لازمة

٦- الmild disease في الكورونا يشمل كل ما لا يحتاج اوكسجين

حظ سعيد لك و لأسرتك و لمناعتك