لو بتعرف زول عندو اكتئاب او انت عندك اعراض تابع معاي الثريد دا
تجربة شخص متعايش مع الاكتئاب تابع وحتساعد نفسك ♥️
اول حاجه الناس ترخي جسمها و تسمح للاحاسيس دي بانها تعبر لانه الطريقه الوحيده عشان تتخطى الموضوع هي تو ووك يور سلف ثرو ات وليس انك تكبته و تتجاهله، وأهم شي م تقسى على نفسك وخلي دايما معاك ذكرى لنسخة عن نفسك ما قبل الاكتئاب عشان م تغرق، وحتعدي لكن م تتمسك بالمشاعر
و عمرك م تاخدها كتعريف لنفسك، لأنه ده بيعني تمسكك بيها و بيصعب عليك انه تطلع منها، خت في بالك دايما انها فترة و حتعدي و ترجع احسن
حاول تشغل نفسك، اشتغل و انت حزين مدام بتقدر لو هلكت ارتاح و ارجع تاني، لكن ما ترقد ليه
فكرة العزلة حتكون مغرية شديد في وقت زي ده لكن م تستلم ليها لانه حتكتمها فيك زياده و احنا هدفنا نعيش المشاعر دي بوسطية و اعتدال و نطلع بأقل خسائر،
روتين للنوم و الصحيان عكس م راسك بقول ليك (عايز تنوم و م تصحى زاتو) اشرب عصائر و اكل فواكه و خضروات اعمل تمارين خفيفه في البيت او اتمشي في البدايه الموضوع حيكون صعب شديد لكن حبه حبه حتسلك و حتعمل فرق في يومك
