لقطة تانية من رواية السايكلوب لما زين رجع في الزمن وبأه في الاعدادي وقابل جيرانه الاربع بنات الحلوين التوأم الاكبر منه بس هو اتجوز واحدة منهم علشان تفكره بالتانيين ويبقي كانه مجوز اربعة . كانت اساميهم فرنسا وروما ولواحظ وتحية اللي حيجوزها بعد كدا .
- فاكر يازين أبوك لما كان مخبي المخدرات عنده في البيت، وكانت أمك بتعجن علشان تخبز في الفرن اللي فوق السطح وجاء البوليس يقبض على أبوك راح رامي الحشيش في العجين. ولما جاء البوليس ولم يجد الحشيش فمن غيظ الضابط رمي العجين في الشارع من فوق السطح.
ضحكت "روما" وقالت:
-
أنا مش ناسية هذا اليوم، الناس في الحي تربي بط وتتركه في الشارع طول النهار. البط أكل العجين اللي الحشيش كان دايب فيه، ومشي يطوح ويقع ويقوم، والناس ميتة من الضحك من البلكونات والشبابيك. أنت يازين اللي مسكت السكينة وقعدت تدبح في البط وتقول للناس كلوه قبل ما يموت أو يدمن المخدرات
ياجدعان، والناس بقت تجري تلم بطها وتدبحه. في اليوم دا الشارع كله أكل بط، وكان يومها الرئيس عبد الناصر بيخطب بالليل والناس قعدت تسمعه من الراديو والتليفزيون، وهي كمان تتطوح، ونزل الواد عبد الوهاب المجنون ووقف في الشارع وبعلو الصوت يقول:
"الناس في القهوة قاعدة تسمع عبد الناصر ومش بتبطل ضحك من البط المحشش اللي أكلوه. الراجل بيتكلم جد، وبيهدد الاستعمار، والناس بتتطوح وتضحك".
قال زين :
- أنا فاكر الواد عبد الوهاب دا، يومها أبوه ضربه علقة في الشارع، وقال له إزاي تتكلم على جمال عبد الناصر كدا يا ابن الكلب،
