الليلة الصباح فى الراديو كان بتكلم أستاذ ياسر ميرغني من حماية المستهلك... قال فى ٤٢٠٠ مخبز فى ولاية الخرطوم ... مستحيل الحكومة تقدر تراقبهم ... وما ممكن الحكومة توفر الدقيق ويكون عيش ماف ... مع العلم انهم اجتمعوا ( ناس كتار من كل الاختصاصات) وحسبوا تكلفة العيشة الواحدة ??

وقال لما تتعمل العيشة وزن ٧٥ وتتباع ب جنية بربحوا ١٥ قرش فى كل عيشة ( بعد حساب كل التكاليف للمخبز).

طيب ده كلامى انا...

بفرض شوال الدقيق بتاع ال٥٠ كيلو بعمل ١١٠٠ عيشة (وده اسوء الفرضيات) فى ١٠٠الف شوال فى اليوم وبتقسيم عدد الشولات على المخابز،كل مخبز عندو ٢٤ شوال دقيق فى اليوم??

الشولات دى لو عملوا منها ٢٠ شوال بس ... معناها عندنا ٢٢الف عيشة فى كل فرن (ولسه عندو ٤ شوالات قاعدة بالجنبة) ... يوموا ح يكون ب ٢٢ الف جنية (٢٢ مليون بالقديم ) ... وربحوا فيهو ٣,٣٠٠ جنية فى اليوم ( ولسه عندو ٤ شوالات قاعدة بالجنبة)...??

يلا ال ٤ شوالات دى اشتراها ب ٥٧٠ زايد حق الترحيل قول ١٠٠ جنية لكل شوال ( وده مبالغ فيهو) يعنى ٦٧٠ جنية للشوال ... خلينا نقول دفع عتالة وصل الشوال ٧٠٠ جنية...

الدقيق ال ما مدعوم سعر الشوال ٥٠ كيلو ٢٣٠٠ جنية ... يعنى لو باعو ب ١٩٠٠ بس ح يلقى ربح ١٢٠٠ جنيه فى الشوال??

وهو عندو ٤ شوالات ،يبقى بربح ٤,٨٠٠ جنية فى اليوم اكتر من ال بلقاهو فى العيش ٣,٣٠٠ جنية...

واتذكروا انوا دى اربع شوالات بس.

المشكلة ما عند الوزير مدنى..المشكلة فينا نحن ديل..و اننا بنحل نفس المشكلة بنفس الطريقة ومتوقعين نتيجة مختلفة..

@MadaniAbbaas

@husam_koko

@aswagalmal