حقيقة يوم كابوس في شمبات ، الواحد مر بي كل احاسيس الرعب و الخوف الممكنة ، بداية من إنسان عشوائي جا شايل كلاش و ضرب رصاص و انا و اسرتي قدام المخبز عشان يسرق عربية المواطن الجمبنا ، لحدي ما جا الدعم ارتكز قدامنا و الجيش جا و اشتبكوا رصاص فينا و نحن في نصهم حرفياً

بعدها جرينا و الواحد خايف رصاصة تجي فيهو او في واحد من اخواني و لا أبوي ، حقيقة موقف و احساس الله لا يعيدوا و لا يخلي زول يمر بيهو، ما في كلمات بتوصف الحال الكان حاصل وقتها ، احساس موت على بعد ثانية منك ،لحدي ما دخلنا بيت في الحي

على بال ما الدنيا هدت و رجعنا بيتنا لقينا الشبابيك و البلكونة اتكسرت من الهزة بتاعت ضربة عمارات البشير ،في ناس كتار اتضرروا كدا https://t.co/C7w2RebKFu

و جارنا ربنا يعوضوا و يخلف ليهو ، الدعامة اتدسوا في شجر بيتهم فجا الجيش ولع الدعامة و ضرب بعدها ساعة و نص لحدي ما ال ٨ عربات الفي بيته انفجرت و حرقت كلها، https://t.co/7SqT4hcwcb

الواحد ما مصدق اليوم دا انتهى الحمد لله، كل الرعب دا و الواحد واقف لي عيش ٥ ساعات لأنو الموية قاطعة ليها ٨ يوم و المخابز قافلة ، لا جيش واحد لا شعب واحد وقت الجيش خايب ضباط على عساكر و ما قادر يحمي المواطن اقلاها أمنوا المهندسين خلوهم يصلحوا محطة بحري عشان جزء من المعاناة دي يخلص