-(#ثريد) الطريق المألوف!:

-غالبا جدا لو ساكن في الخرطوم مستحيل ما تكون سمعت او مشيت بالشارع دا او انو اصلا الشارع جا هو الرابط بين اي حته ف الخرطوم وبيتك. السؤال هو هل انت متخيل كمية الرعب ف الشارع دا باليل؟

-⭕رتويت ولايك وتابع معاي عايزين نبقى ترند ياحبيبي⭕ https://t.co/oI0MMy3Jfi

الشارع الذي يقع جنوب السوق المركزي بالخرطوم والمعروف ( بشارع الهواء ) تسميته ( كانت ) تعبّر عنه شارع واسع يتكون من ( مسارين ) وهاديء مضيء بالليل بأنوار ساطعة ، غير مزدحم ، يخرجك من إختناق الشوارع الداخلية الصاخبة والمزدحمة والضيقة الى السعة والإنتعاش بهوائه العليل https://t.co/OMUdQCd7VC

لكن هل متخيل انو الهدوء دا بيحمل في طياتو قصص (اكتر من مرعبة). بفضلكم اتواصلو معاي كمية من الناس حكو لي قصصهم وقصص ناس بيعرفوهم حصلت معاهم ف الشارع دا للاسف واحدة منهم ادت لي جنون شخص ف القصة!! هل الحاجة دي موجودة؟ ايوة موجوجة شارع الهواء عالم تاني نص الليل.

-في واحدة من القصص كانو في اتنين اخوان ساكنين في الصحافة وماشين لواحد صاحبهم في جبرة فقررو انهم يمشو بي شارع الهوا. مالقو مواصلات فقررو يمشو برجولهم زي ما بقولو عشرة ونسة كدة واحد منهم نسى محفظتو ف رجع وقال لي اخوهو نتلاقى هناك.

بعد ما مشى جاب الجزلان وجا وهو في نص الشارع شاف واحد واقف جمب العمود فلمن مرا من جمبو قام سمع يعني من الزول الواقف ف العمود كلمه بذيئة (سباهو) فلمن رجع ليهو عايز يتشاكل معاهو داك كان ولا خايف ولا اي شي لا وبيرد لي كمان؟