ثريد ✅
بعد التجربه
هذا اللي راح اعتمده لو ارجع أبني بيت العمر
١-الملحق الخارجي متنفس جميل.
٢-لازم جلسة بالحوش ولو صغيره.
٣-الأرض الصغيره جدآ ممكن أستغني عن موقف السيارة الداخلي.
٤-الشارع بيكون أفضل لو كان عرض ١٨ متر وأكثر.
٥-المسبح غير مهم.
٦-المساحة المعقولة لمجلس الرجال ٥*٧
٧-المقلط ٤*٦ مناسب لمثل مساحة المجلس☝?
٨-مغسلتين في قسم الرجال كافية جدآ
٩-صالة الجلوس العائلية تكون في أفضل موقع وإطلالة.
١٠-صالة الجلوس تكون مربعة وشرحه
١١-مهم غرفة نوم بدورة مياه بالدور الأرضي للوالدين أو ضيف أو زيارة مريض (إذا لم يوجد مصعد)
١٢-الغرف الغير مطله مايحتاج تكبر النوافذ
١٣-كبر المطبخ قدر ماتخدمك مساحة الأرض ويفضل مايقل العرض عن ٤ م
١٤-إذا تبي تمنع نهائيآ روائح الطبخ ضروري مطبخ منفصل عن المطبخ الأساسي
١٥-المستودع ضروري جدآ ولا يقل عرضه عن ٢ م
١٦-خذ احتياطك في التكييف بالزيادة من ناحية الحجم والجودة والمنفذ
١٧-السخان المركزي مو ضروري لكن بالمقابل خذ افضل نوع مثل أريستون الايطالي أو الخزف السعودي
١٨-المقاس المناسب لغرف النوم لا تقل عن ٤*٤
١٩-افضل مقاس لدورات مياه غرف النوم مترين ونص في متر ونص
٢٠-لا تنسى المغسلة داخل دورات مياه غرف النوم
٢١-البانيو والجاكوزي غير مهم
٢٢-غرفة النوم الرئيسية حط فيها كل وسائل الرفاهية من مساحة و إطلالة وشاشة تلفاز وجودة تشطيب
٢٣-غرفة الملابس منفصلة عن غرفة النوم ولاتقل عن مساحة ٣*٥
٢٤-يُفضل وجود غرفة للترفية إذا المساحة تساعد
٢٥-غرفة غسيل الملابس مهمة
٢٦-استغل السطح الرئيسي واعتبره حوش ثاني.
