#ثريد:(لا تفتح الباب للغرباء ليلا) :
.
.
-(لا تفتح الباب للغرباء) جملة كانو يقولوها لينا اهالينا زمان وحتى الان بتتقال لينا بس حصل فيوم سمعت قصة عن حاجة حصلت و كانت غريبة؟
⭕ ماتنسى الرتويت عشان تجي تقراها بعدين⭕
(حأسرد الثريد تغريدة تغريدة فخليكم متابعين) https://t.co/ufcf6M28mB
-اهلا انا (عمر) داير احكي ليكم قصتي مع اسوأ ليلة في حياتي.
كان عندنا مناسبة ف البلد وامي وابوي سافرو وقاعدين انا واختي ف البيت، ف اليوم السافرو فيهو بالليل حولي الساعة ١٢ كدا باب الشارع دقَّ.
اختي سالتني منو الحيجينا ف زمن زي دا؟!
ف البداية م ركزت قلت يمكن ديل شفع الحي لانهم بالليل بدقدقو الابواب ساي. شوية كدا تاني الباب دقّ دق اقوي من الاول.....
قمت سريع فتحت الباب لقيت راجل كبير ف العمر ومعاهو مرا منقبة...
السلام عليكم عليكم السلام قال لي فلان موجود؟ وكان اسم ابوي.
-رديت قلت ليهو انو ابوي دا سافر عندو مناسبة وحيجي بكرا الصباح. فقام ردا وقالي انا زميلو من زمان كنا شغالين سوا في (.....)وفعلا ابوي زمان كان شغال ف المكان دا وقال انهم جايين من مكان بعيد وغريبة ماكلمني انو مسافر.
-رديت قلت ليهو يمكن نسى بس اتفضلو اقعدوا معانا لحدي الصباح وكدا.
فعلا دخلو وقعدنا ف الصالة وزي ماعارفين جو الضيافة ف البداية ما بتعرف تفتح موضوع وشوية بدينا نتكلم ومرتو ابدا ما اتكلمت.
-اختي جابت العصير والموية لاخطت انو مرتو ابدا ما شربت حاجة بعد عشرة دقايق اتكلمت مع الراجل ف اضانو (بتهمس ليهو) فا قام قالي ياولدي عن اذن بس.
