هنا راح اكتب تجربتي البسيطة خلال فترة كورونا و التغييرات اللي بالاكل و التمارين و طلعت بنتيجة حلوة و بشارك بـ ( قبل و بعد ) آخر الثريد ??

بالبداية أنا مو اخصائي تغذية أو عندي شهادات تدريب، يعني كل اللي بذكره هنا تجربة شخصية مبنية على بحث و اجتهاد مني ممكن ما تصلح لك .. https://t.co/ctEOCqR0RX

بالبداية حطيت هدف أساسي و هدف جانبي.

1️⃣ الهدف الأساسي: نمط حياة صحي متكامل.

2️⃣ الهدف الجانبي: جسم مرتب و بناء عضل و هذا راح يجي تلقائي بعد تحقيق الهدف الأول.

“ The greatest wealth is health “

ليش اهتميت بنمط الحياة الصحي ؟

• انتوا عارفين ان هذا الوقت كل يومين تطلع اكلات و افكار جديدة و كثير منها مضرّ و على المدى البعيد راح تسبب مشاكل صحية لجيل كامل من المجتمع.

بس اسأل نفسك و خلك صادق بالاجابة، اذا استمريت على وضعك بالاكل كيف تحس بتكون صحتك بعد ١٠ سنوات ؟ ?

سويت قائمة أكل محرمة:

المقليات ❌

الحلويات المليانة سكريات و دهون ❌

المشروبات الغازية ❌

الأكلات اللي فيها دهون متحولة ❌

هذي التزمت فيها بكل جدّية و الحمدلله الى الآن مستمر ??