#الحلفيالحبل
ليه دايما محدش عاجبه اختياره؟
اللي اختار ست بتشتغل مش عاجبه انها مش قادرة تكون موجودة في البيت باستمرار وكمان عندها استقلالية مادية تخليها تاخد اي قرار!
واللي اختار ست بيت مش عاجبه انها مش متابعة معاه كل حوار وأعباء الحياة المادية مش هتقدر تشارك فيها!
-١تابع
واللي اختار الست الطيبة المطيعة اللي بتسمع الكلام وتقول تمام ومن بدري تنام ومكان ما يقولها تتحط ووقت ما يحب يسكتها تتبط مَش عاجبه انها مبتكبرش، طفلة معتمدة عليه في كل شيء وكل يوم عبئ جديد وميقدرش يقول لاء!
واللي إختار شخصية إستقلالية وبيعتمد عليها في شؤون البيت والحياة
-٢تابع
وتنظم له دنيته و ترتب كركبته زعلان عشان شخصيتها خاصمة من رصيد رجولته وعايز يحس بوجود أنثى محتاجة لعرين الاسد سيكا كدة
واللي اختار ست بتفكر وعندها دماغ وعارفة تخطط فدا طول الوقت عايش دور المسجون وبيمارس غطرسته على السجان ، أيوة راجل وحر
-٣تابع
لكن بينه وبين نفسه بيفكر في ألف طريقة للهرب، يستمتع بدماغها وعظمتها ومن وراها يخرب الخطط ويطلع البدع عشان يعترض ويعطل المراكب السايرة، ميقدمش جديد، لكن يستمتع بالتعطيل كأنه له وجود
أما بقى البرنس اللي أخد ملكة الحسن والجمال واسطورة الحب والدلال وحلم أحلام كل الرجال
-٤تابع
فدا مواله موال لازم يا زينة الرجال تستحمل فواتير الجمال وتعمل الشوبنج جبال و تنسى خالص تحويش ومصاريف عيال، أنت عليك مسؤولية الحفاظ على الجمال من لبس وشياكة وبشرة ودكاترة تجميل وتخسيس وكل ما يستجد من استهبال دا غير هم الكلام والغيرة والقيل والقال
-٥تابع
