?لما النادى الأهلى قرر عدم التجديد للتوأم حسام و ابراهيم الزمالك استغل الفرصة و اتعاقد معاهم وعملوا نص تاريخ نادى الزمالك ، لما الأهلى مكانش عارف يجدد لعبدالله السعيد كان بسبب ان الزمالك أغراه بمقابل مادى أكبر وحصل على توقيعه وكان بيفاوض كمان احمد فتحى ، هولمان كان فى ?

الأهلى و سافر و بعدين الزمالك اتعاقد معاه ، كارتيرون كان فى الأهلى وسافر و بعدين الزمالك اتعاقد معاه ، زكريا ناصف و محمد عبدالجليل الزمالك اتعاقد معاهم ، عصام الحضرى هرب راح سويسرا و رجع على الزمالك و محدش قال كوبرى ولا الزمالك مهربه ، ده الأسطورة محمود الجوهرى مشى من ?

محمود الجوهرى مشى من النادى الأهلى و بعدها الزمالك اتعاقد معاه يدربهم وكسب معاهم أفريقيا ، حسن مصطفى مشى من الأهلى وحسين ياسر المحمدى و راحو للزمالك ، الصقر احمد حسن مشى من النادى الأهلى راح للزمالك ، محمد عبدالله واحمد سمير فرج و دومينيك داسيلفا راحو للزمالك ، ?

ده حتى احمد فيلكس راح الزمالك ، الزمالك اتفاوض مع مانويل جوزيه و حسام البدرى و رينييه فايلر و بيتسو موسيمانى ، دول بيفاوضوا رمضان صبحى اللى وقفلهم عالكورة ، واقسم بالله لو قادرين يرجعوا كهربا هيرجعوه .?

✅ كل دول كانو كحك بالملبن و متغرق سمسم ، لكن أوجوستى بوش او والتر هودج او اى حد. يروح من الزمالك للأهلى يبقى قرصنة و كلام أونطة ميصدقوش غير قطيع أتمنى يكون عدده قل فى عيد الأضحى .