ثريد مش رح يعجب حدا :
لما نزلنا ب ١٧ تشرين كانت نزلة عفوية ما حدا دعا الها . ليش هلق ما عم تنزل الناس ؟ احد الاسباب هني هيدولي يلي من ثالث يوم بكونو شي ٦ او ٧ اشخاص بيجوا بحطوا خيمة ب الساحة او اذا معهم مصاري بحطوا منصة وسبيكرات وبيطلعوا يخطبوا بالناس ويتفلسفوا علينا وكل واحد منهم (يتبع)-١-
بصير مفكر حاله فيديل كاستروا وواقف ع يمينه ليخ فاونسا و ع يساره ارثر سكارجيل وطبعا هيدولي ما بينزلوا الا بهاشتاغ ، وبصيروا يطلعوا ع الاعلام ويصدروا بيانات وبيرفضوا اي حل ، هيدولي وينهم هلق ؟
اذا هني مفكرين نفسهم مؤثرين ليش ما بنزلوا الناس ؟
اذا هني عندهم حجمهم (يتبع)-٢-
ع الارض لهم الحق يحطوا شروط بس بما انهم بينطروا الناس لتنزل وبعدها بيتسلقوا ع الثورة وبعربشوا ع ضهرها الثورة الجايي اول شي لازم حرق خيم ومنصات هيدولي المتسلقين قبل اي شي وطبعا ما رح تنصدموا اذا عرفتوا انو جزء كبير من هيدي المجموعات هني تابعين للدولة ونزلوا عشان يفرقوا بينهم -٣-
وكمان عندك الاعلاميين والفنانين يلي صاروا مفكرين حالهم بيفهموا اكثر من كل الناس ومفكرين حالهم انه الناس نزلت كرمال جمالهم وينهم هلق ؟
اذا قالوا للناس انزلوا كم شخص بينزل ؟ ليش هني بدهم يطلعوا يحكوا بأسمي واسمك لمجرد انو هوي اعلامي او فنان ؟ طب هلق شو عم يعمل بعده ثائر ؟ -٤-
