ثريد

قصة نجاح ملهمة للمليونير السوداني عمار عمر الابتدأ تقريبا من الصفر وعمل واجتهد وثابر وقدر يهزم الفقر ويحقق احلامو وحاليا بيعتبر من اكتر الشخصيات الناجحة في العالم ومالك شركات Royal Sky العالمية ومؤسس شركة My Technology

دة حيكون اهم ثريد اكتبو فريتويت رجاءا تقديرا للمجهود ? https://t.co/Cy2KgZDunZ

عمار عمر

سوداني مولود في السعودية بس عاش معظم حياتو في الامارات واغلب استثماراتو فيها ، نشأ في اسرة متوسطة او اقل من المتوسطة بشوية ووضع الاسرة الاجتماعي كان مقبول ومتوسط ، درس في الامارات بداية كمهندس وبعدها اتحول لعلاقات عامة https://t.co/rW2HtLgZcl

قرايتو في المدرسة كانت عادية بس لمن انتقل للمرحلة الجامعية حس بفارق كبير بين الجامعة والمدرسة لانه في الجامعة كان بيشوف طلاب بنفس عمرو غنيين وعندهم عربات فخمة خاصة بيهم بيجو بيها الجامعة وهو كان بيصل الجامعة ب اقل وسيلة مواصلات من ناحية التكلفة وهي الباصات

ونظرا لانه الجامعة فيها كل الطبقات الاجتماعية ومابتقتصر على طبقة معينة فمن هنا بدا يفكر انه هو ليه ما بيقدر يبقى زيهم من الناحية الاجتماعية ؟

وفي نفس الوقت ابوهو اتوقف عن العمل وكان شغل ابوهو هو الدخل الوحيد للبيت ودي كانت اكبر مصيبة وقعت بالنسبة ليهو ولناس بيتو

ومستواهم المعيشي اتدهور وحالتهم بقت صعبة فوقتها تحديدا بدا يفكر في طموحو اكتر في ظل الازمة المارين بيها بدل ما كانت الطموحات دي مجرد خواطر بتشاغلو وبيفكر فيها، فقرر انه الحل الوحيد للأزمة دي انه يعمل مشروع خاص بيهو ويطور فيهو فبدا يفتش في افكار للمشروع المناسب واختار مشروع لمكتبة