لانه التاريخ دا مميز 3/10 عندى و كل سنه بعمل فيه حاجة مميزة و السنة دى ما بقدر ? ، قررت اكتب عن إصابتى و اعراض كورونا الظهرت على احتمال الناس تعمل حسابها زيادة فى الإجراءات الاحترازية و ان شاءالله كلكم معافين ..

فى الأول دعواتكم ما تظهر لى اعراض زيادة و تعافي امى و اختى

اول يوم تعبت كان السبت 27/2

و انا طالعة السلم حسيت بفتور غريب (انا زولة رياضية

و لياقتى تمام الحمد لله )

مشيتها بعد ساعتين جانى صداع شديد حاولت ابعد من الجهاز بعد ساعة تانى جانى ألم فى الظهر ما طبيعى للحظة شكيت انى ممكن اتشل "البنات ممكن اقولكم 100ضعف الوجع البنعرفه "

بقيت متمددة فى الأرض لحدى ما افهم انا مالى.

اتصلت ع اختى فى البيت قالت عندها نفس الأعراض دى، قولت لها خلاص ح اجى البيت و نمش الدكتور مع بعض.

كان أطول مشوار فى حياتى من الفتور و الألم مع كل حفرة فى الشارع انا كان دموعى بتنزل من هزة العربية مع الصداع و الألم الضهر

لما وصلت البيت غلبنى انزل لما الكابتن ساعدنى ربنا يحفظه.

لقيت امى و اختى بشكو من نفس الأعراض

و الحمى بدت تزيد امى قالت قبل نمشى اى مكان ناكل و ناخد بندول زيادة عشان الحمى تخف، اتصلت خالتى ع امى و بتشكى من نفس الأعراض +وجع حلق، مع العلم انه امى كانت مع خالتى قبل 5 أيام

(دعواتكم بالرحمة ل خالتى لأنها اتوفت بكورنا)

فحصت الملاريا ما موجودة قررت ما اقابل الدكتور طوالى جيت اتصلت بالوبائيات الرقم ما بدخل لحدى ما اليوم انتهى ،الأحد الفتور زاد شديد اخيرا رقم الوبائيات ردو على و وعدونى يجونا تانى يوم طوالى و فعلا دا الحصل اخدو العينة و سالونا من الأعراض