بقالي حبة عايش في ايرلندا ولسه عارف ان في القرن ال ١٧ هجم قراصنة جزائريين على قرية ايرلندية وخطفوا معظم رجالتها وودوهم الجزاير كعبيد بيض. وان ده اتكرر كذا مرة لدرجة ان كان في ايامها نوع مزيكا شعبي جزايري باللغة الايرلندي الاصلية زي البلوز بتاعت العبيد الافارقة في امريكا. دنيا

لا والقرية اللي كل رجالتها اتخطفت دي اسمها Baltimore. لو عارف أمريكا شوية حاتقدر ال Irony. https://t.co/4XP2DiSqKZ

وقائد الهجوم ده كان قرصان هولندي برضه كان عبد في الجزاير واطلقوا سراحه لما اعلن اسلامه وانضم لتجار العبيد الجزائريين. التاريخ برضه ابن قحبة فشيخ

حاجة تانية مثيرة اكتشاف هيكل عظمي لقرد من المغرب مات في كهف في ايرلندا من ٢٠٠٠ سنة. ايه اللي جاب القرد من المغرب لهنا؟ في كلام في كتب دينية قديمة في ايرلندا ان قبائل البربر من الاجناس الاصلية اللي عمرت أيرلندا. وبشكل غير علمي طول عمري باقول ان الايرلنديين اقرب لينا من الاوروبيين.

ازيدك ان في القرن ال ١٩ إمام جامع من بيروت زار دبلن وقابل مجموعة قساوسة. ولما ابتدى يرتل القرآن بترتيل على مقامات شرقية، القساوسة اكتشفوا ان الطريقة والمزيكا متطابقة مع اغاني بيغنيها الستات العواجيز من جنوب ايرلندا لما يقربوا من بيت مسكون ويحاولوا يرقوه من الجن. على مقام الحجاز.