في البداية .. شفت اعلان حق ورشة قوة الآن بتويتر .. سجلت فيها مباشرة وحجزت القطار قبل باسبوع .. ماكانت عندي توقعات كثيرة لكن كنت أحس اني أبغى أدعّم الاحساس باللحظة أكثر ، وأسمع كلام الموجودين ، وأشارك اذا عندي شيء ،

قبله بيوم رحت العثيم ، كنت أسأل هل يستاهل اني اروح فعلاً ؟ ..

لما تكون سرحان ماتنتبه للي حولك ، جيت بمد يدي اضعط على زر الاصنصير ! القى لافته معلقه على الباب

( يستاهل المشوار ) !

آمنت انها رساله ، وصدقت الشعور اللي دفعني أسجل واحجز الرحلة !

قبل ماأنام كتبت وش الإلهامات والرسائل والادراكات اللي بلقاها في رحلتي الى الرياض ؟

يارب سخر لي الطف واطيب خلقك والمعلمين اللي يلهموني .. كتبت دعواتي كلها سكرت الدفتر ونمت ..

نمت ، من الساعه ١١ الا تقريباً .. ومدري ليه توقعت اني بصحى على خمس ست كذا

فجأه نقزت من نومي

افتح الجوال القاها ٨ ونص وانا رحلتي ٩ ونص

ماجهزت ولا شيء ، دقيت على السواق على طول قلت له يجي سألني جاهزه قلت له ايه !

عبايتي في الغسالة مانشفت قلت يمكن يمديني انشفها بآلة التجفيف

طبعاً مامداني ، لبستها وهي رطبه شوي ، وفي خضم التوتر والسرعه ، حجابي شاحني مسند الراس و و … استرخيت قلت لو مكتوبه لك هالرحلة بتروحين لو فيها شيء لك بتروحين بتروحين ! لاتتوترين

السواق جاء على ٨ و ٤٥ تقريباً

في الطريق جات تسع وربع قربنا من محطة القطار السواق خذ طريق تحت الكبري