ماهو مفهوم العلامة التجارية (Brand)؟ ⭐️

كلنا نسمع بمصطلح براند, لكن ما ندري هل البراند هو شعار؟ منتج؟ خدمة؟ منو اخترع هالمصطلح وشلون بدأ؟ وشنو أهميته وتأثيره على المشاريع وحياتنا اليومية؟

بهذا الثريد بشرحلكم كل هالأمور بالتفصيل?

أحفظه لأن متأكد بترجعله ? https://t.co/2reTs84oTZ

أعرفكم بنفسي اولاً, اخوكم مساعد من الكويت??

طالب أدرس تخصص التصميم الجرافيكي بالجامعة الأمريكية

مهتم بمجال التعليم جدًا, لذلك إذا حاب تعرف أكثر عن المجال. تابعني على حسابي❤️ https://t.co/HgYTnaWLSp

اولاً, لا يخفى عليكم ان احنا حاليًا قعد نعيش في العصور الذهبية للبراندنق.?

كل مشروع صغير كان أم كبير صار يحتاج ان يبنيله علامة تجارية تميزة عن منافسينه بالسوق وتتواصل بشكل مباشر مع جمهوره المستهدف.

قبل لا ندخل ببدايات مفهوم البراند, خلونا نعرف شنو يعني (Brand)؟

هل فعلاً البراند هو الشعار؟ أم البراند هو المنتج؟ أم هي الخدمة نفسها مثل ما يزعم بعض الناس؟?

الجواب: كل هذيل ما يعتبرون Brand? https://t.co/PeLY4lcyIL

⚠️مفهوم الـ Brand هو:

الشعور العاطفي والعقلاني والمرئي للشخص إتجاه شركة, منتج, خدمة, شخص, مكان أو حتى طائفة.

علشان نبسط الموضوع أكثر اخذ هالمثال:

الشخص?: ياخي أجهزة شركة أبل فخمة (هذا Brand)

شركة أبل?: أجهزتنا فخمة (هذا Marketing)

واضحة الفروقات؟? https://t.co/jU2wIC6AEE