معلش حابه افكركم بنقطة صغيرة كدة
ايران اللي انتو فرحانين بيها دي هيا نفسها اساسا محتلة دولة عربية كاملة بقالها ٩٩ سنة اسمها "الاحواز" وعاصمتها كان اسمها المحمرة وكانت دولة عربية كبيرة لحد سنة ١٩٢٥م، مساحتها كانت ٣٧٠ الف كم٢ وكان عايش فيها ٨ مليون عربي ويحكمها شيخ عربي اسمه https://t.co/1w2xbrAZf2
خزعل الكعبي وفيها انهار وحقول وموارد طبيعية
لكن طمعا في بترولها، شاه ايران حط ايده في ايد بريطانيا وعزموا خزعل الكعبي على العشا في سفينة بريطانية بحجة البحث عن السلام وقبضوا عليه لمدة ١١ سنة في قصر في طهران وبعدين قتلوه سنة ١٩٣٦م
ومن سنة ١٩٢٥م لحد النهاردة ضموا الارض العربية
لايران بالقوة، ومارسوا عليهم سياسة التفريس على مدار ال٩٩ سنة من تغيير هيكلة السكان لتغيير اسماء المدن لتقسيم المدن الكبيرة لدرجة انهم حرّموا عليهم الكلام باللغة العربية او تسمية الاطفال بأسماء عربية او حتى قراءة الجرايد بالعربي او حتى فرصة التعليم في جامعات ايران
