ليه محتوى الفيديو القصير بقى صعب الربح منه بالنسبة للمنصات ؟! وليه المعلنين مش دايسين فيه بقوة ؟!
الموضوع له كذا جانب
مبدئيا ازاي هتشوف اعلان علي
المحتوى القصير ؟! https://t.co/2659zlue0G
غالبا هيكون فيديو قصير في النص و انت بتقلب في الفيديوهات القصيرة.
و بالتالي المستخدم الطبيعي اول ما هيشوف اعلان قدامه هيقلبه.
و بالتالي نتايج الاعلانات علي المحتوى القصير مهياش بنفس التأثير علي المحتوى الطويل او حتي المكتوب.
ده غير ان يعني مش منطقي هتشوف اعلان اطول من المحتوى اللي بتتفرج عليه
فاول حاجة هي صعوبات وضع الاعلان في مكان مناسب اصلا
كمان الشركات ادركت ان الاستراتجية الامثل مش عمل اعلانات تقليدية، انما عمل محتوى ترفيهي خاص للمنصات دي.
و بالتالي الاستفادة من الريتش الخرافي الطبيعي للمنصات دي
و كمان المحتوى اللي هيتقدم مش هيبقي اعلان تقليدي فالمشاهد مش هيقلب اول ما يشوفه.
و شوفنا كذا براند عالمي و حتي براندات صغيرة بتستخدم المحتوى القصير للترويج بالطريقة دي بشكل مثالي.
ابرزهم حاليا في المجال التقني لينوفو، فعليا اكونت لينوفو علي تيكتوك خرافي. https://t.co/Qs1PSaUu9M
